Gurit

TANGISE PERTIWI

Kesurang-surang,,,,,,kelara lara,,,,

Tan kendhat anggone nandhang sungkawa

Gene kena apa?

Lan katemahan marang sapa

Dudu manungsa, uga dudu titah sawantah liyane

Sliramu pengen ngerti sapa

Ya,,,,,bumi pertiwi iki kang lagi nandhang sungkawa

Ya gene kena apa?

Bebendhu tan kendhat nemahi bangsa iki

Katambahan pokale manungsa kang kaya buta brangasan

Seneng njupuk, melik, lan mangan darbeke liyan

Kocar-kacir, ndadekake kahanan kang gawe giris

Pertiwi iki nangis,,,,,keranta-ranta

Tansah nunggu kapan tekane

Ratu adil kang mengkone kaajab

Bisa gawe padhanging kahanan