Kumpulan Gurit

Ibu Pertiwi

Ibu pertiwi…

Cahyamu ora ana tandhingane

Isuk, awan lan wengi terus menehi kauripan

Kauripan kang ora ana lerenne saka Gusti

Eeeee…..

Para manungsa, apa balesanmu marang ibu pertiwi kaya ngene iki ?

Eling bebendhu wis padha teka

Nganthi kapan laku ala iki mbok lakoni

Apa nganti  ibu pertiwi iki keranta – ranta

Alam Donya

Aja padha lirwa lan lelawa

Aja padha ngumbar nepsu lan angkara

Urip ning alam donya tansah waspada

Sanajan mung saderma mampir ngombe

Eeeee manungsa …

Elinga marang kewajibanmu marang Gusti kang maha Agung

Yen ora kersane Gusti …

Manungsa ora bisa dadi apa- apa lan urip ing donya

Bumi

Papan kanggo uripe manungsa

Papan kang anduweni dewa kang bisa andum rejeki

Ora manungsa kang urip

Kewan lan tanduran padha nyawiji urip ing bumi

Bumiku bumi kaswargaan

Seger, endah tur akeh rejeki

Manungsa , kewan , lan tanduran kudu nyawiji

Bumi kudu dilestari, diayomi lan ditresnani

Aja Nggresula

Mula bukane manungsa iku cinipta

Minangka titah saka kang maha kuwasa

Nglakoni panguripan ing alam donya

Kang kebak godha lan bebaya

Saiki Jamane wus mardika

Geneya akeh sing isih sambat sengsara

Uripe among tansah kesrakat

Tan bisa ngrasakake kang arane nikmat

Dina-dina among tansah nggersula

Sambat sinambat marang liyan

Urip iku kudu diakoni

Ora cukup amung waton nggersula lan muna-muni

Rejeki wus diatur dening gusti

Manungsa iku amung saderma ngupadi

MATI SURI

Yen digatekake…..

Yen pancen bener dirasakake

Ana bab kang sajake beda

Antarane jaman saiki lan jaman semana

Swarane gamelan wus ilang kumandhange

Geguritan wus ilang pamaose

Apa maneh kang jenenge bedhaya, gendhing..

Apa ya isih ana sing gelem nyinaoni

Kamangka kuwi kabeh budhayane awake dhewe, lur…

Karipta dening para leluhur

Direwangi gentur anggone tapa brata

Murih sampurnaning karya kang cinipta

Budaya jawa saiki kaya mati suri

Sepi….mamring….ora ana daya

Yen wis ngene iki banjur kepiye?

Pranyata iki budhayane awake dhewe

 

Macapat

Mingkar-mingkuring angkara

Akarana karenan mardi siwi

Sinawung resmining kidung

Sinuba sinukarta

Ukara kang rinakit prasaja

Gatra kang rinakit dadi pada

Guru lagu, guru wilangan, guru gatra

Tatanan pakem kang ora bisa den lirwa

Saben tembung ngemu surasa

Saben tembung mengku pitutur

Den tembangake kanthi rasa

Rasa kang sejatine ora ngawur

Macapat warisan agung para leluhur

Karakit kanthi laku tapa kang gentur

Macapat ayo dilestarekake,,,,lur

Amrih mengkone ora kesingkur

Lali

Lali…….

Apa pancen ngelali …

Rakyat kaliren …

Apa pancen yo digawe kaliren

Ora duwe ati apa pancen disengaja ?

Kabeh sandang , pangan mbok undake sapenake dhewe tanpa mikir rakyat cilik

Apa sing mbok kerjake wes dha bener ?

Sing diurus mung dhuwet.. dhuwet.. lan dhuwet…

Elingo jek akeh rakyatmu kang butuh

 Kauripan kang kepenaak kaya awakmu sing padha ning duwur 

Konservasi

Wit – witan ijo royo royo

Yen disawang katon asri

Hawane nyengsemke ati

Ditambah swara gendhing rumesep sajroning ati

Kampusku memang kampus konservasi

Konservasi alam uga konservasi budaya

Ayo sedulur padha hangrumati budaya

Ayo sedulur padha hamemetri

Alam kang asri miwah budaya kang edi iki

Prihatin

Deduga lawan prayoga iku wis ora asing maneh

Manungsa uwis padha kuwalik

Akeh sing pinter nanging malah keblinger

Bangsa iki wis kudu prihatin

Ora sing diumbar  mung hawa lan nepsu

Korupsi … politik iku - iku wae sing digedhe – gedheke

Yo padha ngalawan hawa lan nepsu iku den tut wuri

Dhuwit

Saben dina dhuwit.. dhuwit … lan dhuwit

Sitik akeh yen dirasa – rasakna mesthi kurang

Sembarang kalir butuh dhuwit

Yen tangan ora gawa dhuwit

Ati iki bakal ngenes

Kabutuhan kabeh wis larang – larang

Golek dhuwit ya angel

Yen wes ngene iki kudu kepriye

Kabeh pendhidikan , kasehatan lan sapanunggalane

Ya ujung – ujunge dhuwit 

Dening : Novilita Kusuma @ UNNES, PBSJ